«Кыргызтелеком» ААК Кара-Кыргыз автономиялуу облусунун түзүлгөндүгүнүн 100 жылдыгына арналган 25 жылдык спартакиада өткөрдү.
Иш-чара салттуу түрдө Ысык-Көлдүн жээгинде өтүп, ага өлкөнүн бардык аймактарынан 300дөн ашуун компаниянын кызматкерлери чогулду. Юбилейлик Олимпиаданын өзгөчөлүгү бул жылы россиялык «Ростелеком» компаниясынын командасынын катышуусу болду.
«Быйыл биздин Олимпиада дагы чоңураак жана кызыктуу болуп жатат, анткени бизге Ростелекомдун командалары кошулду. Бул биздин уюмдардын ортосундагы достук жана профессионалдык байланыштарды чыңдоо үчүн эң сонун мүмкүнчүлүк. Биз кесиптештерибизди тосуп алганыбызга кубанычтабыз жана биргелешкен сынактар бизге жагымдуу эмоцияларды гана эмес, жаңы тажрыйба алып келет деп ишенебиз», – деп белгиледи “Кыргызтелеком” ААКтын башкы директору Нурлан Мадаминов.
Спартакиада жөн гана спорттук иш-чара эмес, “Кыргызтелекомдун” корпоративдик маданиятынын маанилүү бөлүгү болуп калды. Бул иш-чара сергек жашоо образы, командалык рух жана командада иштөө жөндөмдүүлүгү ийгиликтүү жана заманбап компаниянын ажырагыс атрибуттары экенин тастыктады.
Командалар үч күн бою футбол, волейбол, теннис жана шахмат сыяктуу спорттун түрлөрү боюнча күч сынашты.
Спартакиаданын жыйынтыгы боюнча командалар төмөнкү орундарды ээлешти:
Эркектер волейболу:
- 1-орун – ААК “Ростелеком”
- 2-орун – РПО РМТР
- 3-орун – Жалал-Абад облустук филиалы
Аялдар волейболу:
- 1-орун – Борбордук аппарат
- 2-орун – Чүй облустук филиалы
- 3-орун – РПО РМТР
Футбол:
- 1-орун – РПО РМТР
- 2-орун – Ысык-Көл облустук филиалы
- 3-орун – Чүй облустук филиалы
Шахмат:
- 1-орун – Бишкек шаардык телефон тармагы
- 2-орун – РПО РМТР
- 3-орун – Жалал-Абад облустук филиалы
