«Кыргызтелеком» ААК 2024-жылдын 1-жарым жылдыгына карата финансылык-чарбалык ишинин жыйынтыгын жарыялайт. Оң өсүш динамикасын жана жакшыртылган аткарууну белгилесе болот.
2024-жылдын биринчи жарым жылдыгынын жыйынтыгы боюнча “Кыргызтелеком” ААКтын кирешеси 768 295 миң сомду түзүп, өткөн жылдын ушул мезгилине салыштырмалуу 12%га көп жана пландык көрсөткүчтөр 108%га аткарылган. Кирешенин өсүшүнө негизги салымды интернет жана IPTV кызматтары кошкон, алар тиешелүүлүгүнө жараша 8% жана 53%га өскөн.
Компания инфраструктураны өнүктүрүүгө жана көрсөтүлүүчү кызматтардын сапатын жогорулатууга жигердүү инвестициялоо менен Кыргызстандын телекоммуникация кызматтары рыногунда лидерлик позициясын сактап калууда. 2024-жылдын биринчи жарымында аймактар аралык байланыш каналдарын кеңейтүү боюнча иштер аяктады, бул өлкөнүн бардык аймактарынын жашоочулары үчүн интернеттин сапатын жана жеткиликтүүлүгүн жогорулатты. Интерконнект кызматтарынан түшкөн кирешенин өсүшү 52 640 миң сомду түздү, бул 2023-жылдын ушул мезгилине салыштырмалуу 422%га көп.
Туруктуу телефон байланышынын кирешесинин 1% төмөндөшүнө карабастан, жалпы операциялык натыйжалар олуттуу жакшырды. Операциялык чыгашалардын үнөмдөлүшү 4% түздү, бул 32316 миң сомго барабар. Негизги үнөмдөөгө кошумча чыгымдардын статьялары, эмгек акы фондусу жана товардык-материалдык запастар статьялары боюнча жетишилди.
2024-жылдын биринчи жарым жылдыгында «Кыргызтелеком» ААКтын таза кирешеси 82 367 миң сомду түзүп, пландык көрсөткүчтөрдөн бир топ жогору болду. Дивиденддерди жана курстук айырмадан түшкөн кирешени эсепке алганда, негизги эмес ишмердүүлүктөн түшкөн пайда 113295 миң сомду түздү.
Ишкана дебитордук карызды кыскартуу боюнча жигердүү иштерди улантууда, ал жыл башына салыштырмалуу 2%га азайып, 58441 миң сомду түздү. Ошондой эле кредитордук карыз 26%га олуттуу кыскарган, бул 1 095 357 миң сомду түзөт.
«Кыргызтелеком» ААК мамлекеттик органдар үчүн була-оптикалык байланыш линияларын курууга багытталган Digital CASA-KR долбоорун активдүү ишке ашырууда. 445 мамлекеттик мекемеге байланыш линияларын куруу иштери аяктады, Каракол жана Ош шаарларында GPON жабдууларын орнотуу жана ишке киргизүү иштери уланууда.
