“Кыргызтелеком” ААК менен Талас ИИБ биргелешкен жаңы долбоорду баштады. Талас ички иштер башкармалыгынын имаратында үн менен телекөрсөтүү программаларын көрсөтүүчү чоң экран орнотулду.
Таластын тургундары өздөрүнүн сүйүктүү телеберүүлөрүн жана маанилүү окуяларын реалдуу убакыт режиминде көрө алышат. Кошумчалай кетсек, бул долбоордун алкагында 2024-жылы өтүүчү футбол боюнча Европа чемпионатынын матчтары көрсөтүлөт.
Демилге Талас шаарынын тургундары үчүн маалыматтык жана оюн-зооктун жеткиликтүүлүгүн жогорулатууга, ошондой эле биримдиктин жана коомдук өз ара аракеттенүүсүн бекемдөөгө багытталган. «Кыргызтелеком» ААК заманбап технологияларды киргизүүнү жана шаар тургундарынын ыңгайлуу жана кызыктуу эс алуу мүмкүнчүлүктөрүн кеңейтүүнү улантууда.
ИИБдин жетекчилигине кызматташууга даярдыгы үчүн өзгөчө ыраазычылык билдиребиз.
