Урматтуу мекендештер! ААК “Кыргызтелеком” сиздерди Кыргыз Республикасынын эң башкы мамлекеттик майрамы – Эгемендүүлүк күнү менен чын дилибизден куттуктайт!
31-август – бул эркиндиктин, биримдиктин жана Ата Мекенибизге болгон сыймыктын символу. Бул күн ар бир жаранды өлкөбүздүн өнүгүүсү жана гүлдөп-өсүүсү үчүн бириктирет.
Биз ишенебиз, жалпы аракетибиз менен ар бир жарандын билими, эмгеги жана технологиялык жетишкендиктер эл үчүн, келечек муундар үчүн кызмат кылган күчтүү жана ийгиликтүү Кыргызстанды кура алабыз.
Бардыгыңыздарга тынчтык, бакубатчылык жана бакыт каалайбыз!
Майрамыңыздар кут болсун!
