9-май Улуу Жеңиш күнүнө карата, «Кыргызтелеком» ААКтын Балдарды окутуу жана тарбиялоо борборунун окуучулары Жеңиш аянтындагы Өчпөс отко гүл коюу салтанаттуу аземине катышты. Иш-чара тынчтык жана эркиндик үчүн күрөштө өз өмүрүн бергендерди эскерүү жана аларга таазим кылуу максатында уюштурулду.
Балдар насаатчыларынын коштоосунда эстеликке салтанаттуу басып барышты, ал жерге ар бири гүл коюшту. Бул иш-чара өсүп келе жаткан муунга бул күндүн маанисин түшүнүүгө гана жардам бербестен, мекенчилдик сезимге, өз өлкөсүнүн тарыхын урматтоого тарбиялайт.
