Бүгүн, 2024-жылдын 19-апрелинде, Кыргыз Республикасынын Санариптик өнүктүрүү министрлигинин демилгеси менен Жалал-Абад шаарындагы Б.Осмонов атындагы Жалал-Абад Мамлекеттик университетинде Регионалдык санариптештирүү боюнча жаштар форуму болуп өттү. Регионалдык жаштар форумунун ишине шаардык жогорку окуу жайлардын студенттери, жаштар уюмдарынын мүчөлөрү, ЖОЖдордун окутуучулары жана IT жана санариптик технологиялар багыты боюнча окуган студенттер катышышты.
Иш-чарага «Кыргызтелеком» ААКнын Жалал-Абад филиалынын директору Нурбек Абдылдаев да катышты. Ал компаниянын жетишкендиктери жана пландары тууралуу айтып, санариптештирүүнү өнүктүрүүдөгү маанилүү ролун белгиледи.
«Эгерде биздин кесиптештер даярдап жаткан кызматтардын жана сайттардын баары машина болсо, анда биз бул машинанын иштөөсү үчүн отун – интернет менен камсыз кылабыз. Биз өз тарапыбыздан бул күйүүчү май сапаттуу жана арзан болушу үчүн колдон келгендин баарын жасап жатабыз. Ошентип, биз жигердүү жабдууларды жаңыртып, заманбап технологияларга өтүп жатабыз», – деди Абдылдаев.
Регионалдык санариптештирүү боюнча жаштар форумунун максаты калктын, өзгөчө жаштардын арасында санариптик сабаттуулукту максималдуу түрдө арттыруу болуп саналат. Регионалдык санариптештирүү боюнча жаштар форуму буга чейин 15-апрелде Кызыл-Кыя шаарында, ал эми 17-апрелде Жалал-Абад шаарында өткөрүлгөн.
